Khawlumin khawvel, a bikin Asia tibuai

Ruahsur emaw ni sa emaw Mohammad Shukurt Ali, rickshaw puller kum 50 chho vela upa chuan Bangladesh capital Dhaka kawtthlerah hnathawk tura a chhuah ngei a ngai a. Rickshaw puller nih chu hna hautak tak niin tha tam sen ngai a ni. Kuminah phei chuan khuain lum lam pan zualin temperature-in April khan 40.60C te a kai hial a.
Ali hian nupui leh fa phnih neiin mi in luahin an khawsa a, duhthlan tur dang reng a nei lo. “Kan retheia hna ka thawh a ngai a ni,” tiin a sawi.
Ali hian nitin darkar riat Gulshan, Dhaka a mihausate chen tamna district-ah hna a thawk thin a. Heng lai hmun corporate office leh foreign embassy tam tak awmnaa hnathawk tur hian a kawr chungah jacket uniform ang chi a hak a ngai a, chu chuan khawlum a ti zual bawk.
Bangladesh-a khawlum lutuk hi fuel lama tlakchhamna awm chuan tizualkai zualin hei hi Ukraine indona kaihhnawih zel niin hei avang hian power cut a tam phah hle bawk.
Kumin hian khawvel hmun tina mi maktaduai tel te North America leh Europe pawh telin khawlum nasa tawngin temperature record a thleng nual a. July thla kha hriat theih china khawvela khaw lum ber thla a ni bawk.
Fossil fuel hman nasat avanga in a nghawng nasat avanga climate change thleng mekah kan chenna lei chu 1.50C a pelh loh nan ram hrang hrangte chuan thutiam an nei tawh chungin scientists te chuan kum li chhungin 1.50C hi kan pelh an ring thung.
Khawvel hi tun dinhunah pre-industrial level hma aiin 1.10C in a lum tawh zawk a, kumina Asia rama khawlum zual lutuk chuan ngaih a titha lo hle bawk.
Climate scientists te chuan kumin hian Asia hmun hrang hrangah temperature chu 20C in a sang zawk tawh tiin an sawi a, heng hmunah te hian mihring 4.5 billion vel an cheng a ni. Kumina khawlum nasa hian khawmualpui tin a khawih vek bawk a.
Khawlum kaihhnawih avangin May atanga August kan hman mek chhungin South Korea-ah mi 23 in nunna an chan tawh a, chu chu nikum nena khaikhin chuan a let thum a tling a. South Korea-ah hian hmun tam takah temperature in 380C a kai hial a, hmun thenkhatah chuan ruahsur nasa em em leh tuilian an tawk nasa bawk.
China chuan temperature record sang ber tawngin July thla khan western Xinjiang province in 520C record a ni a. A hma lawkin capital Beijing ah June thla lum ber kum 60 chhunga thlengin 510C record a ni bawk.
India ramah pawh May thlaah khawlum turu thlegin capital Delhi leh hmun hrang hrangah temperature in 49.20C a kai hial a. South East Asia lamah pawh April leh May thla khan khawlum turu lutuk a thleng bawk.
Heatwave te hi natural disaster zinga hlauhawm ber te zinga tel niin lirnghing, typhoon leh tuilian te aiin nunna a la hnem zawk thin a. Kawngpui te ti tuiin infrastructure te tichhiain ram ngaw kang pawh a thlen thei a. Mithiamte chuan heatwave hi ‘silent disaster’ tia sawiin a chhan chu nunna channa rang taka thlen nghal mai a ni loh vang niin hei vang hian zunthlum te ang tan a pawi zual thei an ti bawk.
Extreme heart chuan heart pawh hnathawk nasa zuala siamin core body temperature drgree zahve leka sang pawhin heart rate chu minute khatah tum 10 a tiphu hman thin a. Heatstrike chu core body temperature a sana 400C chunglama awmin a thleng thin tiin sawi a ni bawk a. Chu chuan organ failure te, cardiac arrest te leh enkawl loh chuan thihna hial a thlen thei a ni.
Lum chuan boruakah hnawng tam zawk siamin ‘i vuna thlan awm kha a kal ral mai thei lo’ tiin Winston Chow, Assistant Professor, Urban Climate, Singapore Management University chuan a sawi a. “Taksain naural a tih vawhna a hloh tawh chuan a hlauhawm em em tawh a ni,” tiin a sawi bawk.
South East Asia-a Singapore ram angah chuan khawlum lutuk laka himna turin infrastructure te siamin a awm tawh a, mall leh chenna inah te air-condition dah mai bakah ram angin green space tam zawk siama chu mai bakah building design te thlak tumna a awm a.
Mahse, ram rethei te chuan chutiangin hmalakna an kalpui ve mai thei lo thung. Khawlum lutuk laka himna ruahmanna an siamah pawh sum neihin a tlin loh avangin harsatna an tawk thin a ni.
Chutih laiin innovation tha tak tak te pawh awm tawhin India a Ahmedabad khawpuiah chuan kum 2013 atang khan thuneitute chuan chenna in te chu inchung lam rawng vara hnawih turin an ti a, hei hian nasa takin khawlum lakah a veng tih finfiah a ni.
Kan chenna khawvel chu tun ang renga a kal chuan la lum zual zel tura ngaih niin natural weather phenomenon El Nino thleng mekah kumin mai bakah nakum 2024 pawh a lum zel dawn niin mithiamte chuan an sawi bawk a. Hei vang hian climate change chu mutmawh hnarmawha neih ngai an ti