Biden-a’n US-in Ukraine thlawp zui zel dawn ti

US President Joe Biden chuan Congressional budget atanga last-minute tak taka Ukraine military funding paihsak a nih hnuah Ukraine an puihna chu an la chhunzawm zel tho tur thu a sawi.
US sorkar shutdown a awm loh nana temporary measure laka pawm felah Kyiv puih nana $ 6 billion chu telh a ni ta lo va, White House-in a ngaih pawimawh em em chu hnawlin a awm a ni.
Hardline Republican te chuan Ukraine hnena military aid pek zui zel chu duh tawh lovin Biden an Ukraine indona a kalpui dan an duh lo bawk a.
Mahse Joe Biden chuan Ukraine chu US thlawpnaa innghat liau liau a ni tiin a sawi zui thung a. “Engti kawng pawhin US-in Ukraine a thlawpna hi tihtawpska thei kan ni lo,” tiin Biden chuan a sawi a.
“Ukraine-te hi kan pui dawn tih ka sawi chiang duh a, kan pui zui zel ngei dawn a ni,” tiin Biden chuan a sawi zui bawk a. “American allies te ka chah duh bawk chu kan thlawp zui zel ang che u a, kan kalsan dawn lo che u,” tiin a sawi zui bawk.
US hian Ukraine hnenah Russia in a run February 2022 atangin tanpuina $ 46 billion vel a pe tawh a. President Biden chuan Ukraine puih nan hian $ 24 billion dang a phut leh a ni.
US hian tunlai hmanrua changkang ber ber Kyiv hnenah hian pe tawhin chung zingah chuan long-range missiles leh brams tanks te pawh a tel a. Hetih lai hian Kyiv sipaite chuan Ukraine chhim lamah counter-offensive an kalpui mek bawk.
US-in sum lama a tanpui zui theih nan hian Ukraine President Volodymyr Zelensky pawhin Washington thlawk lutin hma a la chungin hard-line Republicans te chu a hmin thei meuh lo a ni.
Republicans te hian House of Representatives thununin Senate-ah pawh Democrats te chuan majority an la tawng tawng chauh a, budget pawm tur chuan House pahnih phalna lak a ngai bawk si a ni.
Khawthlang ram hruaitu thenkhatte chuan indo boruak an hne tia sawi niin chutih laiin tun hnaia Slovakia a pro-Russian populist leader thlan tlin chuan Ukraine mai bakah European Union chu a sawi na hle tia sawi a ni bawk a.
Hetih lai hian EU most senior diplomat Josep Borrell chuan US Congress thutlukna chuan awm nuam loa a siam thu sawiin, “Eng nge thleng zui tur ka hre lo va. Thil chiang tak awm chhung chu Europeans te hi chuan Ukraine laka Russia indona hi kan tan existential threat a ni tih kan chiang a ni,” tiin a sawi.