Sri Lanka sorkarin Free Visa pawm

Sri Lanka cabinet chuan ram pasarih a\anga khualzinte tan free visa pek an nih tur thu a puang.
Heng ram pasarih- India, China, Russia, Malaysia, Japan, Indonesia leh Thailand a\anga khualzin tan free visa a puan hi thla nga chhung atan a tih niin Sri Lanka minister of foreign affairs Ali Sabri chuan Thawhlehni khan a puang a ni.
Sabry chuan free visa hmanga an ram zin theihna hi hna hmasaa neih tur niin rei lo teah hman nghal beisei a nih thu leh March 31, 2024 thleng a nih tur thu a sawi a ni.
Sri Lanka tourism ministry chuan he free visa travel hi heng ram hrang hrang a\anga khualzinte hipna hmanrua atana tih a nih thu a sawi bawk. “Kum lo kal leh turah hian Sri Lanka tlawh turin zinmi mi maktaduai 5 kan beisei a ni” tiin ministry thupuangtu chuan Sri Lanka chanchinbu mite a hrilh a ni. He rawtna hi zin mite tan visa hmu tura pawisa leh hun renchemna \ha tak a nih an beisei thu an sawi bawk.
Kar kalta mai khan Sri Lanka-a tourism ministry chuan ram panga a\anga khualzin ten an ram an tlawh theih nan free visa pek an remtih tawh thu an sawi a.
He Cabinet thutlukna lehkha hi Sri Lanka Prime Minister Dinesh Gunawardena, Tourism leh Land Minister Harin Fernando, Minister of Public Security Tiran Alles leh Minister of Foreign Affairs Ali Sabri ten a rualin an present a ni.
Sri Lanka Cabinet chuan tualchhung chanchinbumite hnenah khualzin ten an tlawh duhna hmun pawimawhah e-ticketing system tun a\anga hun rei lo teah hman theih an beisei thu an sawi bawk a ni.