Germany ramah Kane vul zel

Spain leilunga Eng-land midfielder Jude Bellingham hming a rik rin ber mek laiin Ger-many ramah pawh new-comer Harry Kane chu boruak neilianber ni ve mekin, Inrinni Bundes-liga inkhel pakhata Bay-ern Munich-in 8-0 teh-renga mikhual Darmstadt 98 an sawp tum pawhin hat-trick a siam leh!
Kane hian Bavarians tana a league game hma-sa vawikuaah goal 12 tehreng a thun tling ta a, Bundesliga game hmasa heti zat khela heti zat goal khung tling hi Tottenham striker hlui tih loh midang tumah an la awm lo.
Bayern player Joshua Kimmich chu minute lina lekah hnawhchhuah niin, hei hi an tuar deuh nge chawlhlawk hmain goal an khung zo lo a; chutih laiin Darmstadt player pahnih Gjasula leh Mag-lica pawh first half-ah red card hmanga hnawh-chhuah an ni ve tho a, Munich goal a la puakkeh lo mai mai a ni mai thei!
Second half-ah Eng-land captain Harry Kane ngei maiin goal thun theihloh kawlpui a rawn suchat a, minute 51-ah goal hmahruai thawhin, a hnuah goal hnih dang a khungbelh a; Leroy Sane leh Jamal Musiala-te’n goal hnih ve ve an khung bakah Thomas Muller pawhin goal khat a thawh ve bawk.
Darmstadt goalkee-per Marcel Schuhen khawngaihthlakna game kha December 2022 daih tawha vurtleng (skiing) a tihna lama a ke titliak Bayern leh Germany keeper Manuel-a khel-mual luhleh tan zan tak niin, hna hautak hma-chhawn tur a nei bar lo.
An kawtkaia an point thum ruh hmangin Bayern chuan Bundesliga table-ah a ler an luah chho a, point khat leka inthlau chunga an nekchhuak tak Bayer Leverkusen-in ni-zan result tarlan hman loha Freiburg an hneh chuan an hum ngai an luahkir leh thei ang.
Table-a 14-na luahtu Darmstadt chuan point hnih chiahin tlakhniam theihna hmun an kalsan a, dinhmun him lo takah an ding mek.
Thomas Tuchel-a team Bayern Munich chuan kartawpah Borussia Dort-mund an su leh dawn a ni.