DEO-in MUP hruaitute kawm

MLA inthlan turah Aizawl district election officer Nazuk Kumar chuan Thawhtanni khan Mizoram Upa Pawl Gen. Hqrs. hruaitute chu an member a tam thei ang berin vote an thlak theih nana hma lakpuiah a sawm.
Systematic Voters Education and Electoral Participation (SVEEP) hmalaknaa MUP hruaitute nen an inkawmnaah DEO chuan, inthlanpui turah vote nei a tam thei ang berin vote an thlak ngei theih nan tanrual a pawimawh a, Election Commission of India-in kum 60 chunglamin kimchang taka vote an thlak a ngaipawimawh tih a sawi. Kum upate chu ram political history thui tak hria, mahni mit ngeia lo hmu tawh an nih avangin an vote a hlu tih a sawi a. MUP hruaitute chu an member tam thei ang berin vote an thlak ngei theih nan hma lakpuiah a sawm a ni.
He hunah hian SVEEP nodal leh asst. nodal officer-te bakah member-te pawh an tel a. Kum upa lamte tana voting facility siam dan chungchang sawi ho a ni bawk.