J&K leh Ladakh pual hun hmang

Larsap Dr Hari Babu Kambhampati chuan Thawhlehni khan Raj Bhavan-ah Jammu & Kashmir leh Ladakh Foundation Day 2023 lawmna programme a buatsaih a. He hun hi Ek Bharat Shreshtha Bharat hnuaia program kalpui mek a ni. J&K leh Ladakh hi Jammu & Kashmir Reorganization Act pass a nih hnuah 2019 October 31 khan Union Territory dinhmun pek an ni.
Larsap chuan India-in a ngaihpawimawh ber, ram inpumkhatna tihchakna atan state dang leh union territory dangte khawsak phung leh an hnam ziarang hriatchian a pawimawh tih a sawi a. Ek Bharat Shreshtha Bharat hmalakna chu tha a tih thu sawiin, “A hlawhtlinna kan hmu mek zel a, kan rama chengte inpumkhatna atan rah tha a chhuah mek a ni,” a ti.
Nula Tsewang Dolma hnen atangin Ladakh UT chungchang ngaihthlak a ni a. He mi hnu hian hian Ladakh leh Mizoram atangin cultural troupe-ten zaiin kalkhawmte an awih bakah hnam lam chi hrang hrang entir a ni.