Ashok Gehlot-a’n an chak loh pawm

Rajasthan Chief Minister Ashok Gehlot chuan Congress te Assembly inthlana an chak loh chu a pawm thu a sawi a.
Congress te chuan social welfare scheme tha zet mai an kalpui avangin Rajasthan mipuite chuan an thlan tlin leh ngei an inring a ni.
“Kan scheme-te a tha em em a, kan scheme leh promises atang ringawt pawhin kan sorkar theih ngei kan ring a ni,” tiin Gehlot chuan a sawi.
“Inthlanah chuan chak an awm ang a, chak lo an awm bawk a ngai a. Mipui ten BJP te lakah phuba an lak ka beisei a nia, mahse, kan beisei ang an hrethiam lo pawh a ni ang,” tiin a sawi bawk.
Gehlot chuan Congress te chuan BJP tena election campaign laia Hindu-Muslim issue te hmanga boruak chhia siam an tum dan pawh an hriat thu a sawi bawk a.
“State pathuma kan chak loh hi kan enfiah ngei dawn a ni. Rajasthan a harsatna kan neih chu hmel thar kan nei tlem a. Mahse, chu chu Chhattisgarh leh Madhya Pradesh ah te chuan a ni ve lo. Chuvangin, hmelthar tam zawk nen chuan ni se kan chak ang tih ngawt theih a ni lo,” tiin Gehlot chuan a sawi bawk.