CM-in office a luah ta

Chief minister Lalduhoma chuan Inrinni khan McDonald Hill Zarkawta a office a luah a, Mizoram Kohhran Hruaitu Committee (MKHC) leh Mizoram People Forum (MPF) office bearers bakah cabinet minister leh minister of state ten an telpui.
Chief minister hi commissioner & secretary to chief minister K Lalthawmmawia leh a thawhpuiten an lo dawngsawng a. An chenna tur CM bangla a fan hnuah a office chamber-ah a lut a ni. A pisa dawhkanah a hmasa ber atan Information & Public Relations department atanga file pawimawh lokal a sign a, ofice luahluh hunserh buatsaih zui a ni.
Chief minister chuan Pathian leh mipui zarah sawrkarna an kalpui dawn a, a bultan ni, office luahluh ni ah thlarau lam puithiamten telpuiin tawngtaina neih sak se an duh tih a sawi. Inthlan hma leh a zawh hnuah pawh an thawhpui mi tam takten an sawi fo chu ‘kan sawrkar chuan Pathian hnena lawmthu sawina, sual thupha chawina leh inhlan tharna nei ang u’ tih a ni, tiin, “Hei hi kan rilruah a lian hle a, Pathian awmpuina nen ngeia sawrkarna kalpui kan duh a ni,” a ti.
MPF general secretary Rev. Lalramliana Pachuau chuan hunserh hmangin, kalkhawmten an ngaihpawimawh zawng thil hrang hrang an sawi a ni.