AC/DC original drummer Colin Burgess a thi

AC/DC original drummer, Colin Burgess, kum 77, thih thu AC/DC chuan social media kaltlangin ” Happy memories, rock in peace Colin,” an puang a, a thih chhan erawh puan a ni lo.
Instagram-ah AC/DC chuan an drummer thlalak hi post-in a caption-ah “Colin Burgess thih thu hian min va thawng em. Kan drummer hmasa ber leh musician zahkai tak a ni,” an ti.
AC/DC a tel hmain Burgess hi Australian rock band Masters Apprentices-ah a lo tel tawh a, 1972-a an group an kehdarh hnuah AC/DC founding member Angus leh Malcolm Young leh singer Dale Evans te a zawm a, mahse, a tel rei lo, February 1974-ah rui chunga a perform ni a an hriat avangin an ban leh ta a ni. AC/DC debut single ‘Can I Sit Next to You, Girl,” tih hlaah chiah khan a kutchhuak a tel ta a ni.
AC/DC-ah hian Phil Rudd-a’n a thlak a, mahse, 1975-a Rudd-a’n a kut a tihnat laiin band hi a pui ve leh lawp lawp bawk. AC/DC atanga a chhuah hnuah His Majesty, Good Time Charlie leh Dead Singer Band ah te a tel leh a ni. Rock and Roll Hall of Fame-a AC/DC an lakluh khan Buegess hi lakluh tel a ni lo va, mahse, Australian Recording Industry Association Hall of Fame-ah Masters Apprentices avangin lakluh a ni ve thung.