Indian sport award an sem

Nimin, Thawhlehni khan India president chenna Rashtrapati Bhawan-ah national sports award chi hrang hrang an semchhuak.
He awards ceremo-ny hi kum dangah chuan hockey legend Major Dhyan Chand-a pian-cham August ni 29-a nghah thin ni mah se nikum September ni 23 atanga October ni 8 chhunga Hangzhou Asian Games a awm avangin a hun hi kumin-ah an sawn ta a ni.
President Droupadi Murmu kut atang hian cricketer Mohammed Shami leh para archer Sheetal Devi telin athlete leh para-athlete 26-te’n Arjuna award an dawng.
Kum 2023 chhunga chetha shuttler pahnih Chirag Shetty leh Sat-wiksairaj Rankireddy-te chu India rama infiam-mite chawimawina sang ber Major Dhyan Chand Khel Ratna award hlan an ni a, Indian badmin-ton chanchina a vawi-khatna atan Asian Games gold medal an la a ni satliah mai lo a, Asian Championships title leh Indonesia Open Super 1000 title an la thei a, Malaysia Open Super 1000 lama an inlan laklawh lai a nih avangin award semna hmunah an hmel hmuh tur a awm lo.
Nikuma World No. 1 Chirag leh Satwik hian Paris khawpuia Olympic medal an beisei dawn a, tuna world No.2 ni mek hi India innghahna lian tur an ni ang.
Arjuna award dawng-tu langsar Shami hi kheimit hliam atanga dam chho mek niin, nikum khan World Cup game sarih khelin wicket 24 tehreng a la tling.
Lawmpuitu nei ring dang chess Grandmaster thar R. Vaishali kha chess talent chhuak thar R. Praggnanandhaa far-nu (a u) niin, Koneru Humpy leh Dronavalli Harika tih lohah India hmeichhe zinga GM ni leh thei hmasaber a ni.
Pistol shooting star Esha Singh chu lawm-man sem laia awm lo langsar zingah telin, Jakarta khawpuia Asian Olympic Qualifiers a khelh mek avangin Thawhlehniah a award dawn amah ngeiin a humhaw thei ta lo.
Thawhtanni khan tleirawl kum 19 mi lek Esha hian 10m air pistol event-ah individual leh team gold a lak avangin Paris Olympics-a inelna hmachhawn turin a tling fel hlimhlawt nghe nghe.
Arjuna award dawngtu zingah junior world champion hlui leh nikum senior level-a bronze medal awrhtu wrestler Antim Panghal tel bawkin, nikum world championship bronze-winner boxer Moha-mmad Hussamuddin leh tarlan tawh para archer Sheetal Devi an tel bawk.
Hangzhou Asian Games-a gold medal pahnih latu Devi kha natna vang tak Phoco-melia an tih avangin ban lehlam lehlam a nei lo a, chuti chung chuan a ke hmangin kut nei zawkte pawhin an kah fuh loh tur target a fuh chat chat thin!
Coach award ngaih-hlut hlawh Dronacha-rya awardee zingah Praggnanandhaa vawrhchhuaktu chess RB Ramesh a tel.
Award sangber Khel Ratna hian sum fai cheng nuai 25 a keng tel a; Arjuna leh Drona-charya award-te hian cash prize Rs. 15 lakh a chhawm tel ve bawk.