ILP ngeih ngaite Feb.10 ralhmaa nei turin chah

Inner Line Regulation dan anga hnamdang permit neih tul, la nei lote chuan 2024 February 10 ralhmaa an permit tifel turin a Mizo Students’ Union chuan a hriattir.
MSU Gen. Hqrs. thuchhuak chuan Inner Line Regulation dan anga permit neih tul, la nei lote chu February 10 ralhmaa an permit tifel turin a hriattir a. Hun tiam hnu lama danin a phut anga permit la fel lote chungah khauh takin hma an la dawn tih a sawi a ni.
Home minister hnena an lo thlen tawh angin, Bengal Eastern Frontier Regulation 1873-in a phut angin meitei-te pawh general category an nih angin inner line permit nei tur an ni a. Dan loa meitei khawsa zawng zawng pawh February 10 ralhmaa permit tifel turin a chah tih a sawi bawk.