Palace defender thar Munoz

Thlasik insuan hun tawi herliam hmain Crystal Palace chuan an tlarhnung thuamchak turin Colombia defender Daniel Munoz an senglut.
Europa Conference League season kal laia Genk tana inlan tawh Colombia right-back Munoz hi kum thum chhung atan euro maktaduai riat (£6.8m)-in an lalut a, pawl pahnihin an remtih dan azirin kum khat pawhsei theih a ni ang.
Kum 27 mi Colombian hian kum 2020 khan Belgium a pan a, Genk-a a season hmasaberah Belgian Cup a lakpui nghal.
A kumleh 2021 khan a inter-national debut nghakchhuakin, he thu buatsaih lai thleng hian ram tan game 23 a khelh tling tawh a, chu’ng zingah chuan kha mi kum Copa America semi-final an luhna kawnga a game khelhte kha a tel nghe nghe.
Media-te tarlan danin, Premier League club zawm a duhna kawngah Munoz hian a chhuah phalsak nghal mai lo Genk-ah khan nawrhna a kalpui hman!
Selhurst Park-a a chipui awmsa Jefferson Lerma zawm tura contract ziak hlim hlawt Munoz hian season kal laiah Belgian club tan defender ni chungin goal nga a tilut tling tawh a, assist vawikhat a nei tawh bawk.