CORRUPTION INDEX-AH INDIA 93-NA; CHINA 76-NA
Huna Kawlvawm
January ni 30, 24) khan ram hrang hrang kum 2023 corruption-a an dinhmun teh thintu Transparent International chuan Corruption Perception Index (CPI) 2023 a ti chhuak a. India ram chu ram 180 zingah 93-na a ni a, point a hmuh zat chu 39 a ni. Kum hmasa 2022 khan India hian point 40 hmuin rank 85 – na a ni a, a dinhmun a hnung tawlh a ni.
Rank No 93-ah hian India, Maldives, Kazakhstan, Lesotho ramte an awm a ni. Transparency International hi khawvel huap pawl (global civil society) a ni.
Corruption-a fihlim tehna Corruption Perception Index (CPI) hian teh fung hrang hrang hrangin Transparency International hian kum 1995 atangin ram hrang hrang a teh tan a, an teh fung hmante chu data 13 an lak khawm atanga teh a ni a, World Bank, World Economic Furum atang leh Private risk and Consulting company te, think tanks leh mithiam hrang hrang ngaih dan an la khawm a ni. Mipui vantlang inhnamhnawih dana fihlim (public sector corruption) atanga teha point 0 (zero) hmu ram chu corruption hluarna (highly corrupt) a nih laiin point 100 hmu tling chu corruption laka fihlim (very clean) an ni thung. Tuna tehna thar ber CPI-2023 tih chhuahah hian Denmark chu chungnung berin point 90 a hmu a, Finland 87, New Zealand 85 ten an dawt a ni. Somalia ram chu a mawngphahah a awm thung a, Venezuela, Syria, South Sudan leh Yemen ram ten an dawt leh bawk a ni. Heng ramte hi tharum thawhna leh ram chhung inawpna chiri leh buaina nasa takin a tuamte an ni.
India ram hian tehna hmasaah point 40 hnuin tunah point 39 a hmuin point khatin a hnung tawlh a. Hemi chungchang Transparency International-in a sawi dan chuan India dinhmun tlak hniam det chhanah mawhpuh tur han mal man fak tur a awm chuangin an hre lo. Hetiang hi ni mah se, kum 2024 kum laihawla inthlan a hma chhawn dawn avanga dan thenkhat mipui zalenna rapbet zawngin siam that a ni a, chung zingah chuan telecommunications Bill pawh a sawi lan niin hei hian mipui zalenna fundamental rights chu nek chep nia ngaih a ni.
Transparency International tehna CPI-2023 results atanga a lan dan chuan ram tam zawkin public sector corruption ziaawm tura an hmalakna chuan hma a sawn chuang lo a ni. Chawh rualin khawvel ramte point hmuh chu point 43 a ni a, kum 12 chhung he dinhmunah hian a awmna a ni. Khawvel ram hmun thuma thena hmun hnih te chu point 50 hnuaiah an awm. India ram point hmuh hi point chawh rual aia hniam a ni.
Point hmu sang zual ramte chu:
1. Denmark 90 pt
2. Finland 87 pt
3. New Zealand 85 pt
4. Norway 84 pt
5. Singapore 83 pt
6. Sweden 82 pt
7. Switzerland 82 pt
8. Netherlands 79 pt
9. Germany 78 pt
10. Luxembourg 78 pts
Point hmu tlem chu heng ramte hi an ni :
Somalia 11 pt
Venezuela 13 pt
Syria 13 pt
S. Sudan 13 pt
Yemen 16 pt
N. Korea 17 pt
Nicaragua 17 pt
Haiti 17 pt
Equatorial Guinea 17 pt
Turkmenistan 18 pt
India thenawm ramte point hmuh dan chu hetiang hi a ni, bracket () chhunga mi hi an rank a ni.
China 76 (42)
Pakistan 29 (133)
Myanmar 20 (162)
Nepal 35 (108)
Bangladesh 24 (149)
Sri Lanka 34 (115)
Bhutan 68 (26)
Thailand 35 (108)
Indonesia 34 (115)
Philippines 34 (115)
Corruption Perception Inder tehna a point hmu hniam ramho hi ram chhung inawpna tha tawk lo, mipui zalen lohna, dan lekkawh that theih lohna, tharum thawhna tamna, dan dik tak zawm loa sumdawng tamna ram te an ni.
Ram changkang leh langsar zingah United States 69 point hmuin rank 29 a ni a, UK point 71 rank 20, Israel point 62 rank 33, Russia point 26 rank 141, Brazil 36 point rank 104 te dinhmun a ni.
Source : transparency.org
January 30, 2024