Kuhva rah cheng nuai 9 chuang hu police-in man

February 20 zan dar 9.00 vel khan East Lungdar Police Beat Post duty-te chuan an thudawn bawhzuiin dan loa Burma kuhva rah hring phur truck 5, Champhai district atanga Aizawl lam panpui tum chu an man a. Hemi zan hian N. Vanlaiphai Police Station-ah an thil mante hlan nghal a ni.
Kuhva rah hring man hlut zawng hi a vaiin Rs. 972000 a ni a, an thil man hi Nilaini khan Customs lama hlan turin Serchhip Police Station-a dah a ni.
Kuhva phurtute chu – MZ04A 6321 (Ashok Leyland) a khalhtu Lalruathlua (24) Bungzung Champhai district, kuhva rah neitua sawi hi Thangpuii, Serchhip a ni a. Kuhva rah bag 80 niin a hlut zawng hi Rs. 3,00,000 a ni.
MZ04A 5970 (SML), a khalhtu Lalthazauva (32) Khuangleng Champhai district niin, kuhva rah neitu hi Mathangi, Lunglei nia sawi a ni a. Kuhva rah bag 70 niin a hlut zawng hi Rs. 224,000 a ni.
MZ04A 4180 (SML), a khalhtu Lalpekhlua (28) Champhai Chhungte niin, kuhva rah neitu hi Chhungi, Aizawl nia sawi a ni. Kuhva rah hi bag 35 niin a hlut zawng hi Rs. 112,000 a ni.
MZ04A 4078 (SML), a khalhtu Lalchhuanliana (28) Champhai Chhungte, kuhva rah neitu hi Chhungi, Aizawl nia sawi a ni a. Kuhva rah bag 35 niin Rs. 112,000 hu a ni.
MZ04A 4816 (SML), a khalhtu Lalhruaitluanga (35) Sesih Champhai district, kuhva rah neitu hi Mathangi, Lunglei nia sawi a ni. Kuhva rah bag 70 niin a hlut zawng Rs. 2,24,000 hu a ni.