Dinhmun siamthat phutin MRB thawktute an nuar

Regional rural bank-a tel ve an nih angin All India Regional Rural Bank Employees’ Association (AlRRBEA) in February 23 (Zirtawpni) a India ram puma nawrh huaihawta bank khar an tum chu Mizoram Rural Bank chuan an zawm ve dawn.
Mizoram Rural Bank Officers’ and Staff Association thuchhuak chuan, nawrh huaihawt ni hian bank dawr theih a ni dawn lo tih an sawi a. An nawr chhan tur an sawifiahin, an thil phut hi India sawrkar Ministry of Finance-in a tihhlawhtlin an phut a ni.

Nawrh chhan –

# RRB (Regional Rural Bank) te sponsor bank nen inzawm tawh loa National Rural Bank of India (NRBI) din.
# A rang thei ang bera Promotion Rules ennawn a, recruitment atana post ruak 30000 chuang awm hnawhkhah – cross selling hna sponsor banks atanga thlawn.
# Casual worker-te dahngheh.
# Sponsor bank-te Service Rules leh Leave Rules hman ang hman ve.
# NIT Award anga hlawh kalhmang hman a, Supreme Court-in thu a chhuah tawh angin, Indian Banking Association nen hlawh chungchanga inbiaknaa RRB telh ve
# RRB PR 2018 behchhanin pension parity chungchanga hamthatna awm zawng zawng tih hlawhtlin
# Computer increment leh Compassionate Appointment Scheme a hmanna tur dik tak leh a hman tanna hun diktaka kalpui
# Service Rules-in a sawi angin BP leh DA atanga gratuity chhut