Congress manifesto-ah MSP legal guarantee pek
Minimum support price (MSP) legal guarantee pek te, ram pum huapa caste census neih te, sorkar hnaruak a tahtawla hnawhkhah te chu kum 2024 Lok Sabha inthlan atana Congress manifesto-ah telh a ni dawna ngaih a ni.
Party manifesto committee chu Finance Minister P. Chidambaram kaihhruai niin March 4 ah meeting nei dawnin chutah chuan an hmawrbawk theih tawh beisei a ni.
Manifesto chuan Rahul Gandhi kaihhruaia Bharat Jodo Nyay Yatra neiha paanchnyay or five pillar of justice chu a thlurbing dawn tia sawi a ni bawk a.
January thla khan press conference a neihnaah five pillar chungchang sawiin Gandhi chuan paanchnyay ah chuan thalai, hmeichiha, loneitu, labourer te tana justice leh participation te a sawi a. “Justice pillar panga te hian kan ram a tichak dawn a ni,” tiin Rahul Gandhi chuan a sawi.
Gandhi chuan INDIA bloc te chu thlan tlin an nih chuan MSP chu legal right pek a ni ang a ti a. Chu intiamna chu manifesto-ah pawh tarlan a ni ang a, agriculture market tinah hoarding hmanga tarlan a ni ang a ti bawk.
Congress-te chuan rampum huapa caste census neiha community te hnena an tam dana zira an rights pek chu ngaih pawimawhah an nei bawk a. Congress te chuan caste census chu Hindu vote te BJP tena Ram Mandir hawn hnua an hui puk theihna kalhna turah an ngai a ni.
Congress tena social jsutice narrative an kalpui chu Narendra Modi sorkarin Karpoori Thakur Bharat Ratna an pek vangin a nghing lawih a. Thakur kha Bihar Chief Minister hlui niin social justice aupuitu a ni satliah lo va, kum 1970 chhova Backward Classes tana reservation 26 lai siamtu niin ngaihsan a hlawh hle.
State-level a caste census kalpui hmasa ber tu Bihar Chief Minister Nitish Kumar an a tanna thlaka INDIA bloc a chhuahsan chuan INDIA Bloc tena social justice pitch an neih chu a tizuai bawka ngaih a ni a. Mahse, Congress te chuan khawng taka caste census chu kalpuia aupui zui an tum zel thung.
Congress election document chuan livelihood issue a thlurbing tura ngaih a ni a, Rahul Gandhi yatra kalpuia tawnhriat atang te leh Manipur-Mumbai yatra kalmeka tawnhriat te chu behchhan a nih rin a ni.