Pasal te BJP vote tir lo turin ngen

Delhi Chief Minister Arvind Kejriwal chuan national capital a hmeichhe voters te chu Lok Sabha inthlana Aam Aadmi Party (AAP) te vote turin a ngen.
Chhungkuaa mipa te chu BJP ni lo, AAP zawk thlawp tura fuih chu an mawhphurhna a ni a ti bawk a.
“Mipa ten PM Modi hming an lam a, nangni chauhin in siam tha thei. I pasalin PM Modi a vote tur thu a sawi a nih chuan zanriah siamsak suh u” tiin Kejriwal chuan a sawi bawk.
Hmeichhia te chu an pasal te AAP thlawp tura intiamtir turin a ngen bawk a. “Patling tinin an nupui te ngaihthlak a ngai. A ni lo em ni? Nupuiin a intiamtir a nih chuan pasal chuan a zawm em em ang” tiin a sawi bawk a.
“Kejriwal chuan in lectricity a free in, bus chuan man free in a pe a, tunah hmeichhia tin te tan Rs 1,000 a pe dawn bawk a. BJP ten eng nge an tihsak? Tichung chuan eng vangin nge BJP an vote ang?” tiin Delhi Chief Minister chuan a sawi bawk a.
Delhi sorkar chuan budget an pharhah hmeichhia kum 18 chin chunglam hnenah ‘Mukhyamantri Mahila Samman Yojana’ hmangin rs 1,000 theuh an pek tur thu an sawi a ni.
“BJP ten Kejriwal an Delhi khawpuia hmeichhia tin te hnena Rs 1000 a pek hian pawisa a thehthang mai mai a ni an ti a. Ka zawhna chu mi tam tak te loan lak hrawl puipui in ngaidam a ni lawm ni tih a ni tiin Chief Minister chuan a sawi bawk a.
Delhi Chief Minister chuan BJP te chuan hmeichhiate chawikan hmatheha hmangin inbumna an kalpui a ni a ti bawk a.
“Tun thlengin hmeichhe dinhmun chawikan hmathehin bumna an kalpui a. Party a hmeichhiate fakin hmeichhiate chawikan thu an sawi a. Tunah keini chuan hmeichhiate ipteah thlatin Rs 1000 kan dah dawn a ni. Ipte ruakin tumah a chawikang lo” tiin a sawi bawk.