BJP MP ni mekin Congress zawm

Haryana-ah Lok Sabha inthlan hma lawkin BJP MP nilai mek chuan BJP party chhuahsanin Congress a zawm. Hisar Assembly constituency MP chuan ‘politics thila lohtheihloh’ vangin BJP a bansan thu a sawi a ni.
Singh chuan a ban veleh Indian National Congress party a zawm zui nghal a. Singh hi BJP hruaitu lawk Birender Singh fapa ni bawkin a ban hnuah Congress President Mallikarjun Kharge chenna New Delhi ah panin Opposition party a zawm zui nghal a ni.
Hisap MP chuan banna a sawiah BJP president J.P. Nadda, Prime Minister Narendra Modi leh Union Home Minister Amit Shah te chu Hisar MP a nih theih nana an duhsaknaah lawmthu a hrilh a.
“BJP primary member ka nihna chu politics thila lohtheihloh avangin ka bansan a. Party hennah lawmthu ka sawi duh a, National President Sh. JP Nadda, Prime Minister Sh. Narendra Modi, & Sh Amit Shah tena Hisar atanga Member of Parliament ka nih theih nana hun remchang min siamsak avangin ka lawm a ni” tiin Singh chuan a sawi.
Singh an Congress a zawm lai hian Senior Congress leader Ajay Maken, Mukul Wasnik leh Deepak Babaria te pawh an awm a ni.
Kum 2019 Lok Sabh poll ah khan bureaucrat atanga politics luhchlh Singh hian JJP’s Dushyant Chautala leh Congress candidate Bhavvya Bishnoi te chu hnehin chakna a chang a ni. Bijendra Singh hi Jat leader langsar em em Sir Chhotu Ram tupa a ni bawk.