Football titi
C France striker Olivier Giroud chuan season tawpa contract a hman zawh rualin Major League Soccer pan a duh a. Los Angeles emaw New York emaw zawk zawk zawm a duh. (Gazzetta dello Sport – in Italian)
C Liverpool chuan kum 18 mi Ajax leh Netherlands defender Jorrel Hato an belchiang uluk leh zual. (Football Insider)
C Manchester City chuan kum 14 mi USA youth forward Cavan Sullivan lak tumin an dawr. Philadelphia Union academy-a awm mek hian professional contract a la ziak lova, City hian prefessional contract ziahpui an tum. (The Athletic – subscription required)
C Newcastle United chuan nipui bazar huna bazarna tur sum an mamawh vangin Brazil midfielder Bruno Guimaraes hralh mai an rilruk. (Football Insider)
C Real Madrid leh Paris St-Germain te chuan Manchester City lakah Newcastle an tlawm tum Inrinni zan khan Guimaraes an thlithlai. PSG hian Guimaraes-an Magpies-a a khelhpui Sweden striker Alexander Isak an thlithlai uluk viau bawk. (HITC)
C Bayern Munich chuan Germany midfielder Joshua Kimmich chu nipui bazar inhawn hunah hralh an phal. Kum 29 mi hian club naran lo deuh Manchester City, Arsenal, Liverpool, Real Madrid emaw Barcelona emaw ber zawm a duh. (Florian Plettenberg)
C Manchester United leh Liverpool te chu Real Madrid leh Morocco forward Brahim Diaz ngaihven zingah an tel. (HITC)
C Manchester City leh Portugal midfielder Bernardo Silva chuan a chawrchhuahna Benfica-ah kir leh ngei a tum thu a sawi a. Engtikah nge tih zawhna erawh a chhang lo thung. (SIC – in Portuguese)
C Everton chuan Manchester United leh Chelsea ten lak an tum England defender Jarrad Branthwaite manah a tlem berah pawh £80m an phut. (Teamtalk)
C England forward Raheem Sterling chuan Saudi Arabia atanga sawmna a dawn hnar a tum a. Season tharah Chelsea chu trophy lak pui ngei a tum zawk dawn. (Standard)
C Chelsea chuan khel tha thei tak England forward Cole Palmer chu a phu ang ngeiin contract thar, hlawh tam zawk fe ta tur zawrh an tum. (Football Insider)
C Eddie Nketiah chuan nipui bazar inhawn hunah Arsenal a chhuahsan ngei dawn a. Wolveschu England striker Nketiah club thar ni thei zingah an tel. (Teamtalk)
C Borussia Dortmund chuan United atanga an hawh England winger Jadon Sancho chu a nghetin lak luh ngei an tum a. Kum 2021 a an hralhna £73m zatve vel chauhin kum 23 mi hi an ngam thung. (Sky Germany via Mirror)
C Tottenham Hotspur chuan West Ham full-back Ben Johnson lak an duh. (Football Transfers)
C Liverpool chuan Bayer Leverkusen left-sided defender Piero Hincapie an ngaihven. (HITC)
C Manchester United chuan English midfielder Kobbie Mainoo chu contract thar ziahpui tumin an dawr. (Football Insider)
C Chelsea chuan an manager rawih mek Mauricio Pochettino hmunruak luah thei zingah Inter Milan coach Simone Inzaghi a tel tih an nem nghet. (Teamtalk)
Tottenham chu kum 2025-a conrtract hmang zo tur Chelsea leh England midfielder Conor Gallagher lak an rilruk. (Teamtalk)
C Liverpool, Tottenham leh AC Milan te chu Fulham defender Tosin Adarabioyo ngaihven zingah an tel. Hetihlai hian Fulham erawh chuan kum 26 mi Tosin Adarabioyo hi contract tha zawk zawrhan lo tum ve mek bawk. (Standard)
C Tottenham hian Barcelona-a hma lam hun chiang hleithei lo Brazil winger Raphinha an ngaihven tel bawk. (Sport – in Spanish)
C Paris St-Germain in ngaihven bawk mah se Chelsea chuan Nigeria striker Victor Osimhen lak tuma intlansiaknaah hma an hruai. Napoli chuan Osimhen hmunruak luahtu tur player tha an lak a ngaih dawn vangin Osinhem manah hian 130m euros (£111m) zet an chhiar. (Calciomercato – in Italian)
C Arsenal, Chelsea leh Manchester United te chuan 100m euros (£85m) senga lak theih tur Shakhtar Donetsk midfielder Georgiy Sudakov an ngaihven hlawm. (Teamtalk)
C Liverpool, Arsenal leh Chelsea te chu Nottingham Forest defender Murillo ngaihven zingah an tel. (Mail)
C Liverpool chuan a vawi thum nan English defender Lloyd Kelly chu AFC Bournemouth atangin lak an tum leh dawn. (Liverpool Echo)
C Manchester United midfielder Kobbie Mainoo chuan contract thar a ziak fel thei tep tawh. (HITC)
C Brazil defender Thiago Silva chu a club hlui Fluminense nen an inbe ngun hle. Silva hian season tawp rualin contract a hmang zo dawn a, a chawchhuahna Fluminense-ah kir leh ngei a tum. (Sun)
C Gareth Southgate-a’n a hna bansan a Manchester United a pan a nih chuan Newcastle boss Eddie Howe, Chelsea manager hlui Graham Potter leh Wolves manager Gary O’Neil te chu England manager thar ni thei zingah an tel.