CM Kejriwal man duh lohna rally

Opposition INDIA bloc te chuan Pathianni khian Delhi a Ramlila Maidan ah Delhi liquor policy case a Chief Minister Arvind Kejriwal man a nih duhlohna lantir nan mega rally an huaihawt dawn.
Karkalta Ningani a Enforcement Directortae tena Kejriwal an man chuan Opposition party te lungrualin a siam a. Delhi Congress leader, AAP leader nena inhmelma natak pawhin Kejriwal man avangin lungawilohna a zawm dawn bawk.
Delhi minister Gopal Rai chuan Kejriwal man a nih danah mipui te an thinrim hle tiina sawi a. “Prime Minister hian probe agencies te politician te tihthaih nan leh Opposition nuaibo nan a hmang a ni. Jharkhand ah Hemant Soren a ni emaw, Bihar ah Tejashwi Yadav a ni emaw an lakah false case an siam zel a ni” tiin a sawi.
Rai chuan Delhi chu AAP leader tena lungawilohna an lantir an hlauhaw avangin kulhah an chhuah tawh a ti a. “Arvind Kejriwal family chu house arrest a dahin an awm mek a. Model Code of Conduct hman a ni tawh chungin AAP headquarter chu kalhsak in kan awm a, Congress te accounts khawihchet theihloha dahin tunah chuan India party upa ber chu inthlan atana campaign hleithei lova siamin an awm mek a ni” tiin a sawi bawk.
Delhi Congress chief Arvinder Singh Lovely pawhin BJP te chu nataka sawiselin, “hei hi democracy em ni? Level-playing field kan nei ve lo. Chief MKinister in man a, India rama political party upa ber accounts khawihchet theihlohin in dah bawk a. Kan leader Rahul Gandhi chuan democracy humhim tumin indona a hmachhawn a. Congress te kan hnungtawlh dawn lo” a ti bawk.
CPM leader Rajeev Kunwar pawhin INDIA allies leader zawng zawng te chu march 31 ah kan kalkhawm vek ang a ti bawk a. “Delhi mipuite hnena kan ngen duh chu dmeocracy beihna hi kan enliam mai mai dawn lo” a ti bawk a.
Rai chuan rally neih nan local authority te hnenah phalna an dil tur thu a sawi a. “Phalna kan hmu lo a nih chuan democracy tan ralkhel dar a ni ang” tiin a sawi.