BJP-in min nekchep tial tial – Lalrinpuii

BJP rorelna hnuaiah ram, hnam leh sakhua a zalen lo tulh tulh a, thiam takin min nekchep tih ZPM hruaitu, minister Lalrinpuii chuan a sawi.
Lok Sabha inthlanpui atana Siaha district-a campaign, minister Lalrinpuii chuan BJP chuan India leh Mizoramah hna tha tak tak a thawk a, an thil tih pawh tam takah an thlawp rualin, ram leh hnam, sakhuana erawh a zalen lo tulh tulh a, thiam takin min nek chep tial tial niin a sawi.
“Ayushman Health Care Centre chu Ayushman Arogya Mandirs tia thlak tumin nikum December 31 khan Union Health ministry chuan India ram state leh union territory zawng zawngah hming thlak tura ziakin lehkha a thawn a. Kei pawhin hei hi nasa takin ka dodal. Ministry-ah pawh lehkha thawnin, Kristian-te tan mandir tia thlak hi a rem loa, thlak lo turin ka ngen a ni,’ a ti.
Lok Sabha member thlan turah Zoram mipui tan BJP emaw BJP thuhnuaia kun mai tur party emaw vote a him lova, huaisen taka issue bases-a kal mai tur ZPM candidate Richard Vanlalhmangaiha vote theuh turin mipui a sawm tih a sawi a ni.