Myanmar sipai ten Thai border thunun ta lo

Kum thum kaltaa civilian sorkar paihthlaa thuneihna changtu Myanmar sipai te chuan a ram khawchhak lam Thailand nena inrina bulah hnungtawlhna nasa tak an nei.
Myanmar sipai te chu ethnic Karen insurgents te anti-coup forces te nena tangrual te nen an inbei nasa hle a.
Border khua pawimawh tak Myawaddy vengtu Myanmar sipai za tel te chuan inpek mai an remti zui a ni. Myawaddy hi Thailand nena insumdawn tawnna hmun pawimawh ber a ni.
Kar kalta Zirtawpni khan Karen National Union te chuan Myawaddy atanga 10 km a hlaa Thanganyinaung khuaa Myanmar sipai battallion te inpekna chu an remtih tak thu an puang tawh a.
Kar tawp rualin Myawaddy a battallion la inkulh te chuan Karen forces te lakah inpek mai an remti zui leh ta a ni.
Military junta tan chuan hnungtawlhna nasa tak niin tun hnai lawkah Chinese border Shan State leh Bangladesh border Rakhine State ah te ram zau tak an hloh tawh bawk a ni.
Myanmar sipai sang tel tehmeuh te chu tihhlum leh opposition forces te lakah an inpe a, Myanmar sipaite chuan an sipai hloh te hnawhkhah nan a khua leh tui te chu sipaia tan luih tirin ruahmanna a kalpui mek thung.
Karen National Union te hian kum 1948 a Myanmar independence atang tawh khan ethnic Karen te tan mahni ro inrel ngiatin an hel tawh a. Mahse, kum 1990 chhovah khan sorkar sipai te lakah an tlawm nasa hle a, kum 2015 atang khan national ceassfire huam chhungah an tel bawk.
Chu chu kum 2021 a civilian sorkar paihthlakin a thlak danglam ta vek a, KNU te chuan elected government Aung San Suu Kyi kaihhruai paihthlak chuan ceasefire te awmze nei lovah siamin a bawhchhia an ti a ni.
Karen State chu Myanmar khawpui lian ber Yangon atanga hnaitea awm leh Thai border a nih bawk si avangin civilian sorkar paihthlak hnua sipai ten nunrawng taka chetlakna an neih tlanchhiatsan te kalkhawmna ber a ni zui a ni.
KNU te chuan khawpui atanga volunteer fighter tam tak inpe te chu training pe in Myanmar sipai te chu an beizui ta a ni.
KNU te chuan operation an neihnaah insurgent group lian dang Krenni Nationalities Defence Forcse te, Kachin Independence Army te pawh be pawhin hma an la bawk a.
Karen State chu tun dinhmunah opposition forces te dinhmun thatna a ni ta a. Myanmar hmun hrang hrangah sipai sorkar beihna awm zelah Myanmar sipai sorkar chuan Karen State chu a thlurbging thei bik lo va, tunah phei chuan ramri panna kawngpui pawimawh ber chu an hloh zui leh ta a ni.