Rahul Gandhi-an PM Narendra Modi an a sumdawng thiante loan 16 lakh crore lawih a ngaidamsak a ti

Congress leader Rahul Gandhi chuan April 24, 2024 khan Prime Minister Narendra Modi chu a billionaire thian te loan Rs 16 lakh crore ngaihdamsakah a puh a, a thilsual tih chu ramin a ngadam ngai lovang a ti bawk.
X post a siamah Rahul Gandhi chuan chung sum te chu Indians te na tihdam nana hman ni zawk se tiin chuaiah chuan ‘Adanis’ te ang ropui zual nan a hmang a ni a ti.
“Narendra Modi chuan a billioanire thian te loan Rs 1,60,00,00,00,00,000 i.e. 16 lakh crore rupees a ngidam a. Hetiang sum tam lutuk hmang hian: thalai 16 core in kum khatah Rs 1 lakh hna an nei thei, 16 crore hmeichhiate hnenah kum khatah Rs 1 lakh pe ila, chung chhungkua te nun chu inthlak danglam thei a ni. Loneitu 10 crore te loan ba nuaibo ila mahni intihhlumna tam tak chhan theih a ni” tiin a sawi.
“Ram pum mipui te hnenah Rs 400 hisapin kum 20 gas cylinder pekna a daih a. Indian Army pum kum thum sum hman tur a daih bawk. Dalit, tribal leh backward society atanga thalai tinte an graduate thlenga an zirna a daih vek,” tiin Congress chief chuan a sawi bawk.
“Indians te natna tihdam a nih theih nan chung sum te chu hman tur a nih laiin Adanis te ang ropui zual nan mai mai hman a ni” tibawkin ramin Narendra Modi leh a pawikhawih chu a theihnghilh tawh lovang, a ti bawk a.
“Tunah chuan thil a inthlak danglam tawh ang a. Congress chuan Indian tinte hmasawnna tur sorkar a siam ang” tiin Congress president hlui Rahul Gandhi chuan a sawi bawk.