State BJP pawimawhna hriat a ngai – Vanlalhmuaka

Party thenkhatin BJP Mizoram chu ngainep takin tawngkhum thin mah se, central BJP-in a ngaihpawimawh tlat avangin an pawimawhna hriat a ngai tih BJP State president Vanlalhmuaka chuan a sawi.
Thawhlehnia an party office-a inkhawmah BJP Mizoram president chuan, party thenkhatin chapo tak leh tham lo takin an tawngkhum fo a, Mizoram BJP chu an thlawhkhum dawn thu leh an nuaibo tur thu te an sawi a. Ni mah se, central BJP-in BJP Mizoram chu an fate an ni tih an hai loh avangin tunah pawh central-ah BJP sawrkar piang leh ngei tura ngaihah, Mizoram thlawhkhum tum emaw central-ah chauh NDA nihna chuan a tak ram min thlen ngai lo a ni tih hria in, BJP pawimawhna hriat a ngai tih a sawi a ni.
BJP chu Congress party-in Mizoramah a len a hlauh avangin nasa takin a bei lawk a, ramhuai ang deuh thaw in chhuah mah se, tunah erawh MLA pahnih neiin, an neih belh zel anga, Mizoram mipuiin development dik tak an beisei chu an la hmu dawn tih a sawi.
Mizoram aiawh tura MP-a thlantlin Pu Richard Vanlalhmangaiha chu an lawmpui a, Mizoram tan malsawmna a nih ngei an tih Vanlalhmuaka hian a sawi a. BJP official candidate a nih angin, amah vote-tute chungah lawmthu a sawi tih a sawi bawk.