By election ah hnehna chan kan beisei – Lalrinenga Sailo

AMC Ward No.19 by election ah MNF-in hnehna an chan ngei a beisei tih MNF adviser Lalrinenga Sailo chuan a sawi.
Aizawl mayor ni bawk Lalrinenga Sailo chuan by election-ah hian MNF an chak ngei dawna an rin avangin ZPM-in an huphurh lawk hle nia sawiin, MNF candidate Dr Lalrinzuali Hrahsel chu campaign-a a fehchhuah tawhnaah mipuiin an ngainat rawn a. An boruak a tha hle niin a sawi.
“Khawvel a changkang chho zel a, technology-ah kan sang tawlh tawlh a, social media hi mipui pawhin kan hman thiam a tul. Thudik leh dik lo post kawngah finfiah hmasak a tul a; AMC hmalakna pawh ZPM-in nasa takin thudik tluantling lo hmangin an thehdarh nasa a, mipuiin thudik hriat kawngah ngaihtuahna fim hman nachang kan hriat zel a pawimawh a ni,” a ti.
Hetihlai hian AMC Ward No.XIX ey election neih turah MNF Election Campaign Committee chuan thuchhuah siamin, Aizawl khawpui hmasawn zel nan leh Ward. XIX hmasawn zel nan, AMC-a sawrkar lai MNF corporator-te nen lungrual taka hna thawk nghal thei tur MNF candidate Dr Lalrinzuali Hrahsel vote theuh turin Ward mipui khawngaihna an dil nawn tih a sawi a ni.