CYMA-in cyclone tuarte tanpui

Cyclone Remal avanga chhiatna tawkte tanpuina, hmun hrang hrang atanga a dawnkhawm chu Inrinnni khan Central YMA chuan a sem.
Central YMA vice president Prof. Lalnuntluanga chuan YMA chu tanpui ngaite tanpuitu pawl a nih angin, lusun mangang, chhiattawkte tanpuitu a ni tih a sawi a. YMA chu amah maia ropui a ni loa, Mizo mipui, YMA member-te avanga innghahna tlak pawl a ni tih sawiin, YMA-a tui thar zel turin a sawm. Chhiat tawk chhungkuate YMA-in a tawrhpui thu a sawi a; tanpuina petu ho chungah lawmthu a sawi a ni.
Tanpuina sem chhuah zat hi Rs. 56,54,000 a ni a. Chhiattawk chhungte engemawzat kalin, hmun hla zawka awm – Lunglei, Serchhip, Saitual, Mamit leh Khawzawl chu an Sub-Hqrs YMA sem turin tanpuina hi thawn a ni.