Centre-a BJP kaihhruai sawrkara Union minister Mizorama lo zinten kan state dinhmun dik tak hriatchian an duh zel a; State BJP-in harsatna a tawh pawh an zawt thin a, Kristianna nena inmil lo anga ngaihna chu mak an ti hle tih BJP Mizoram president Vanlalhmuaka chuan a sawi.
Thawhtannia BJP State office-a inkhawmah Vanlalhmuaka chuan, Mizoram rawn tlawh central minister-ten state dinhmun dik tak hriatchian an duh zel tih hriat chu a lawmawm hle tih a sawi. Kuthnathawktute development tak tak an hmuh loh chuan hmasawnna tak tak a thleng thei lo tih hriat nawn a ngai tih sawiin, “Mizoram sawrkar pawh hian tawngka chauh ni loa kuthnathawka eizawngte kan ngaihsak an ngai. Kuthnathawktu leh loneitute tana central sawrkarin inkalpawhna tha min siamsakah pawh chak zawka hma la a, kan thlai thar chhuah mipui hnenah man man zawka kan hralh theih nan a thartu leh a leitu hamthatna thleng phak ngaihtuah a ngai ta hle,” a ti
BJP din chhan leh awm chhan, Mizoram leh Mizote tan a nih avangin state hmasawnna kawnga an tih theih awmah an tlanchhe dawn loa, an din chhan tihhlawhtlinna turin theihtawp an chhuah zel dawn tih a sawi.
Union Minister rawn zin ten, BJP-in eng harsatna nge a tawh, tih an zawt thin a. BJP leh Kristianna inmil lo anga Mizorama kan ngai thin chu mak an tih thu an sawi thin tih BJP Mizoram president hian a sawi.
“Politics-a inbeihna mai mai a nih zia an sawi thin. Nimahse Mizoram mipui chuan kan hrefiah hleithei chuang loa, a nawlpui anga kan hriatfiah hunah erawh duh aiin kan tlai mai ang tih hlauhawm tak a ni. Mizo thuam kan inbel a, kan chhungrilah erawh kan inbel tel lo ang tih a hlauhawm. Zo nun zemawi hi a sawia sawi loa, kan nun zawkin a ken tel hunah Zoram nuam kan siam dawn a ni,” a ti.
Union minister lo zin ten kan state dinhmun hriatchian duh – MBJP president
Get real time updates directly on you device, subscribe now.
Next Post