Kejriwal bail dilna hnawlsakin awm leh

Delhi Chief Minister Arvind Kejriwal chuan money laundering case-a bail-a chhuah a nih dawn ruaia Central Bureau of Investigation (CBI) tena excise policy case-a an dan zui leh chu lung in tantir tum hrim hrim duha hmalakna ‘insurance arrest’ a ni tiin Supreme Court ah a sawi a.
Bench of Justices Surya Kant leh Ujjal Bhuyan te chuan Kejriwal-an CBI tena an manna chu hnawl tura a ngenna chu ngaihtuah an remtihsak hnuah interim bail-in an chhuah duh chuang lo thung.
Court chuan CBI te chu chhanletna siam tura tizui nghalin August 23 ah ngaihtuah turin a ti leh ta a ni.
“Tuna min manna bik hi chu insurance arrest tiin a sawi theih a ni. Kejriwal hi chhui chian a ni a, April 2023-ah thu zawhfiah a ni tawh bawk a. Directorate of Enforcement (ED) te chuan March 2024-ah min man leh a. ED case-ah chhuah ka nih theih nan thupek ka nei nual a ni. Chhuah ka nih dawn ruaiah CBI ten min man leh a. CBI te chuan April 2023 leh March 2024 inkarah engmah chetlakna tur an hre lo” tiin senior advicate AM Singhvi, Kejriwal aiawha ding chuan a sawi a.
Singhvi chuan Kejriwal chuan hrisellohna a neih thu sawiin interim bail a chhuah turin a ngen a. “Interim bail kan pe dawn lo” tiin Justice Kant chuan a chhang nghal thung.
August 5 khan Delhi High Court chuan CBI tena Kejriwal an manna chu dan tlawhchhan a nihna a finfiah a, man a nihna chu hnawlsak duh lovin High Court chuan a duh chuan bail a nih theih nan trial court be pawp turin a ti a ni.
CBI te chuan Kejriwal chu scam ‘mastermind’ tu berah an puh a. Mi thiltithei tak a nih vangin a case ti khawbaw turin witness te a hneh vek thei an ti bawk.
Mahse, Kejriwal chuan July 12-ah ED case nena inzawmna nei excise policy case-ah Apex Court chuan bail a pe tawh a ti ve thung a.
High Court chuan CBI tena finfiahna hrang hrang an lakkhawm hnua chief minister an man hnuah awm ang lo leh dan kalha ngaihsak theih a ni lo a ti ve thung.
Kejriwal chu khua leh tui pangngai chunglam a ni ti bawkin Magsaysay Award dawng hial tawh tu leh Aa Aami Party convenor ni bawk a ni, a ti a.
“Witness-te thunun thei turin thiltitheihna nei a ni a, a lan danah witness-te chuan peititioner (Kejriwal) chu man a nih chauhin witness ni tura huaisenna an nei thei chauh thei a ni” tiin special prosecutor chuan a sawi bawk a.
High Court chuan Kejriwal-an man a nihna a khinna chu hnawlsakin a lakah finfiahna \hahnem tawk lakkhawm a ni tia sawiin April 2024 hnuaah chauh agency te chuan an chhui zui zel remtihna pek a ni, a ti bawk.
CBI te chuan June 25 khan Kejriwal chu man ve lehin ED case a July 12 a bail pek tawh ni mah se, lung in a chhuahsan thei ta lo va. July 12 a bail-a chhuah a nih hma hian May 10 khan Lok Sabha election laiin an party tana campaign tura chhuah lailawk niin June 2-ah lung in -ah a let leh a ni.
July 12-a Apex Court-in bail a peknaah Kejriwal right to life leh liberty chu ‘tihbawlhhlawh thiang lo’ tiin a sawi a.
Chief Minister, March 21-a ED tena an man hi money laundering case-ah June 20 khan trial court chuan bail-in a chhuah a. Mahse, trial court order chu High Court-in a stay sak zui a ni.
Delhi excise policy chu kum 2022 khan Delhi lieutenant governor chuan CBI te chhuichiang tura a tih hnuah hnawlin a awm zui a, he thilah hian eirukna leh thil fel lo tak tak awma sawi a ni.