Rilru lam hriselna training

TATA Trusts, NEIDA, Nudge Sports leh Mizoram Badminton Association-te bultumin tunkar Thawhlehni atang khan infiammi leh a duh apiangte tana chhim theih Mental Training Programme chu Ramhlun Venglai YMA Hall-ah tan a ni.
He training programme hi session 12-a then tur niin, November thla tâwp thleng a dawn a; Aizawl zawh Nilaini khan Kolasib-ah chhunzawm niin, vawiin lamah pawh training kalpui zui zel a ni.
Resource person leh expert atan Nudge Sports lam atangin applied psychologist Amruta Karkhanis Deshmukh chahchhuah a ni a, ani bakah hian Mizote’n sports psychologist kan neihchhun ni rih Lalremruata, Nudge Sports chuan training a pek ve bawk.
Amruta rual hian TATA Trusts Head of Sports Neelam Babardesai pawh Aizawlah a rawn zin a, a tul angin trainee-te hun a hmanpui kal mek a ni.
He training programme hi infiammite bakah coach leh association hruaitute tana buatsaih a nih angin a duh tan registration a la tih theih a, hriatchian duh nei tan MBA Project Coordinator Zonunthara (98626 32557) hnenah zawhfiah theih a ni.