MTV VMA a perform tur an puan belh

Chappell Roan, Sabrina Carpenter, Camila Cabello, GloRilla, Rauw Alejandro, Benson Boone, Halsey, Lenny Kravitz leh LISA te perform tur thu an puang tawh a, show hi Megan Thee Stallion-i’n a host dawn a, Katy Perry-i’n Video Vanguard Award a dawng dawn a, a perform nghal dawn tih te pawh an puang tawh. MTV Video Music Award a perform tur an puan belh leh a, Shawn Mendes, Anitta, Karol G leh LL Cool J te pawh line-up ah an tel.
Kumin MTV VMA-ah hian Latin lam an inhawlh lar riau a, perform pathum- Anitta, Karol leh Alejandro an thawh a, a palina Cabello pawh Latin rawngkai tho a ni. Cabello leh Mendes te hian 2019 khan VMA-ah ‘Senorita’ tih la an perform dun a, an inngaihzawn lai a ni nghe nghe. 2021 thleng khan an inzui a, 2023-ah an ni leh zuai a, mahse, an ni leh tawh lo. Kuminah pawh a hrangin an perform dawn e. Mendes hi VMA-ah 2017, 2018, leh 2019-ah te a kum zawnin a perform tawh bawk.