Shaboozey ‘A Bar Song (Tipsy) a la Hot ber

Shaboozey ‘A Bar Song (Tipsy)’ chu Billboard Hot 100 (singles) chart-ah a No.1 a, he chart-ah hian a zawn lovin kar riat a No.1 tling ta a, kuminah chuan he chart-a hla pakhat No.1 ni rei thei ber a la ni. He hla hi Hot Country Songs chart-ah pawh kar 12 No.1 tawin, kumina he chart-a No.1 rei ber a la ni bawk.
Billboard Hot 100 (singles) chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Shaboozey ‘A Bar Song (Tipsy)’ hi kar khat chhungin radio airplay ngaithlatu maktaduai 82 an la tling a, streaming-ah pawh maktaduai 31.7 a la tling a, sales 11,000 a tling thei bawk. Hei hi a kar riat nan chart-ah a No.1 pui leh ta a ni.
Sabrina Carpenter ‘Taste’ chu stream maktaduai 42.5 leh sales 6,000 tlingin, radio airplay pawh ngaithlatu maktaduai 4.6 a nei thei a, hei hi chart No.2-ah a debut pui a, a hla dang, he chart-a No.1 pawh lo ni tawh ‘Please Please Please’ chu No.9 atangin No.3 a kai thar leh a, a hla dang ‘Espresso’ chu No.7 atangin No.4 a kai thar leh ta bawk. Heng hla pathum te hi a album thar ‘Short n’ Sweet’ atanga a single vek an ni.
Chart No.1 hlui Post Malone ‘I ad Some Help’ featuring Morgan Wallen chu No.2 atangin No.5-ah a tawlh a, Lady Gaga leh Bruno Mars ‘Die With a Smile’ chu No.3 atangin No.6-ah a tawlh a, Billie Eilish ‘Birds of a Feather’ chu No.5 atangin No.7-ah a tawlhin, Chappell Roan ‘Good Luck, Babe!’ pawh No.6 atangin No.8-ah a tawlh a, chart No.1 hlui Kendrick Lamar ‘Not Like Us’ cu No.4 atangin No.9-ah a tawlh a, chart No.1 hlui bawk Teddy Swims ‘Lose Control’ chu No.10-ah bawk a la awm.