Lady Gaga leh Bruno Mars ‘Die With a Smile’ a lar ber

Lady Gaga leh Bruno Mars ‘Die With a Smile’ a lar ber
Lady Gaga leh Bruno Mars thawh dunna ‘Die With a Smile’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart a a zawna kar hnih a No.1-na a ni a, hetihrual hian Sabrina Carpenter pawhin chart top 10-ah hla pathum a kar hnih nan a nei ve leh ta bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Die With a Smile hian kar khat chhungin stream maktaduai 105.8 leh sales 10,000 a la nei thei a, hei hi a kar hnih nan chart-ah a No.1 pui leh ta a ni. He hla hi Lady Gaga leh Bruno Mars te tan he chart-a an hla No.1 kai thei hmasa ber a ni.
Sabrina Carpenter-i’n chart top five-ah hla pathum a nei a, a hla thar ber ‘Taste’ chu No.2-ah bawk a la awm a, he chart-a No.1 pawh lo ni tawh ‘Espresso’ chu No.3 atangin No.4-ah a tawlh a, a hla dang chart No.1 hlui bawk ‘Please Please Please’ chu No.4 atangin No.5-ah a tawlh ta bawk.
Carpenter hla pathum inkara hian Billie Eilish hla, he chart-a No.1 pawh lo ni tawh ‘Birds of a Feather’ tla zepin No.5 atangin No.3 a kai thar ve leh ta a ni.
Billboard Global 200 Top 10:
1 Die With A Smile – Lady Gaga & Bruno Mars
2 Taste – Sabrina Carpenter
3 Birds Of A Feather – Billie Eilish
4 Espresso – Sabrina Carpenter
5 Please Please Please – Sabrina Carpenter
6 Si Antes Te Hubiera Conocido – Karol G
7 A Bar Song (Tipsy) – Shaboozey
8 Good Luck, Babe! – Chappell Roan
9 Lose Control – Teddy Swims
10 Beautiful Things – Benson Boone