David Rish-a’n record a siam leh ta

World Records title tum khata kawl hnem ber record siamtu ni mek David Rush chuan record siam lamah duhtawk a la ngah lo a ni chêk ang chu, minute khat chhunga thir (metal) chopstick archery target-ah khawh fuh hnem ber record a siam leh ta a, minute khatah chopstick 28-in target a khawh fuh hman.
David Rush hi a hming lemah pawh Record Breaker Rush an tih hial a ni a, hetiang record hi 2020 khan a lo siam tawh a, chumi tum chuan minute khatah chopstick 19-in a khawh fuh hman a, he record hi midangin minute khata chopstick 21 khawh fuhin an rawn khum a, tunah aman record a rawn siam ve leh ta a ni.
Rush chuan he record siam hi thil harsa ve tak leh inzir ngai tak niin a sawi a, a chhan pawh target atanga feet 13 chuanga hlaah din a ngai a, chutah tang chuan archery standard target a a lai a rawng pahnih zinga pakhat zawk khawh fuh chat chat a ngai a ni.