Mizoram Open Athletics Meet vawiinah \iak dawn

Mizoram Athletic Association buatsaih ni thum awh Mizoram Open Athletics Meet vawi 31-na chu vawiin hian a hmun ngai RG Stadium, Mualpuiah chhunzawmin, khar fel a ni tawh ang.
Nimin thleng khan hriat theih chuan Mi-zoram record thar siam pathum awmin, item tina tithate hnenah lawmman pek nghal a ni.
Mipa metre 400 intlansiakah nikuma Malsawmzuala (54.58sec) record siam khumin Letjakai Lenthang (53.32sec) leh Nicholas Vanlalhmangaiha (53.78sec) chuan record thar an siam.
Hmeichhe lam metre 400 intlansiakah kum 2023 veka Vanlaltleipuii Chhangte recrod siam (1.07.17min) pawh Vanlaltleipuii’n khumin record thar a (1.04.81mims) a siam ve bawk.
Mipa metre 10000 intlansiakah Malsawmtluanga (36:06.08min) chu pakhatna niin, triple jump mipa inelnaah Vanlalrempuia (12.50m) chu pakhatna a ni a, PC Lalthianghlima (12.7m) kutah silver medal lutin, bronze awrhtu chu Moses Lalruatpuia (11.52m) a ni.
Long jump hmeichhia intihsiakah Elisian Medai (4.59m) chuan gold medal awrhin, pahnihna chu Lalnunpuii (4.14) a ni a, a, Lalkroshlui (4.14) kutah bronze medal a lut ve thung.
Vawiin hian a hmun ngai Rajiv Gandhi Stadium, Mualpuiah intihsiak chhunzawm leh tur niin, zing dar 7:20-a hmeichhe metre 5000 intlansiak final an tan ang a; zing dar 8-ah mipa leh hmeichhe metre 400 intlansiak final thlir tur awmin, zing dar 9:30-ah mipa leh hmeichhe metre 4×100 relay race final an tan chhunzawm leh ang.