Lady Gaga leh Bruno Mars ‘Die With a Smile’ a la lar ber

Lady Gaga leh Bruno Mars ‘Die With a Smile’ a la lar ber
Lady Gaga leh Bruno Mars hla ‘Die With a Smile’ chu Billboard Global 200 chart-ah a No.1 a, he chart-ah hian a zawnin kar li a No.1 tling ta. Hetih rual hian The Weeknd hla thar ‘Dancing in the Flames’ pawh top 10-ah a debut.
Billboard Global 200 chart hi kar khat chhunga khawvela huapa hla lar dan tehna niin, chart ranking siam nan hian ram hrang hrang 200 chuanga kar khat chhunga official-only streams (subscription leh ad-supported audio leh video music services) leh download sales te chu tehna pawimawh a ni.
‘Die With a Smile’ hian kar khat chhungin stream maktaduai 117.4 leh download sales 9,000 a la nei thei a, hei hi chart-ah a kar li nan a No.1 pui leh ta a ni. He hla hi Lady Gaga leh Bruno Mars te tan he chart-a an No.1 vawi khatna ve ve niin, an hla No.1 kai thei hmasa ber hi kar li a No.1 tling ta nghal a ni. He chart hi 2021 atanga Billboard-in an tih tan chauh a ni thung.
August thla chhunga he chart-a kar thum chhung No.1 lo ni tawh, Billie Eilish ‘Birds of a Feather’ chu No.2-ah bawk awm lehin, Sabrina Carpenter ‘Taste’ chu No.4 atangin No.3 a kai thar leh a, Sabrina hla dang, he chart-a kar thum No.1 thei ‘Espresso’ chu No.5 atangin No.4 a kai thar le a, Sabrina hla tho, he chart-a kar hnih No.1 ni thei ‘Please Please Please’ chu No.6-ah bawk la awm a, Sabrina Carpenter hian he chart top 10-ah hian kar li chhung chu hla pathum a nei ta a, kumina hetiang tithei hmasa ber a la ni.
Chappell Roan ‘Good Luck, Babe!’ pawh stream maktaduai 54.9 leh sales 7,000 kai lehin No.7 atangin No.5-ah a insawn a, he chart top 5-a lang thei hla a neih vawi khatna a ni. Roan hian he hla hi September thla laihawla 2024 MTV Video Music Awards semnaah khan a perform a, he hla avang hian best new artist a dawng tawh bawk.
The Weeknd pawh a reh deuh vang vang hnuah rimawi khawvelah a thawm a rawn lian leh tan ta a, a hla thar ‘Dancing in the Flames’ chuan kar khat chhungin stream maktaduai 46.6 leh sales 18,000 neiin No.10-ah a debut a, he chart-a a hla top 10 kai thei 12-na a ni.

Billboard Global 200 Top 10:
1 Die With A Smile – Lady Gaga & Bruno Mars
2 Birds Of A Feather – Billie Eilish
3 The Emptiness Machine – Linkin Park
4 Taste – Sabrina Carpenter
5 Espresso – Sabrina Carpenter
6 Please Please Please – Sabrina Carpenter
7 Si Antes Te Hubiera Conocido – Karol G
8 A Bar Song (Tipsy) – Shaboozey
9 Good Luck, Babe! – Chappell Roan
10 Beautiful Things – Benson Boone