Cyclone Helene vangin mi 60 chuangin nunna chan tawh

US hmun thenkhatah cyclone helene in hnuhma duhawm lo hnutchhiah zelin, ruahsur nasa leh thli tleh vang hian mi 63 in nunna an chan tawh.
North Carolina leh Tennessee ah he chhiatna hi thleng nasa zualin, inkalpawhna kawngpui 400 chuang khar a ngai a, hmun thenkhat chu lawng leh helicopter hmanga kalchilh a ngai a, tuilian vangin Tennessee damdawiin pawh a lun hle bawk.
Petrol station tam tak khar a ngai a, eng pekchhuahna kawngah harsatna an tawh bakah, dinhmun hlauhawma ding la zawnchhuah theih loh tam tak an la awm ngeia hriat a ni bawk.
Hmun hlauhawma awmte chhanchhuah hna hi chhun zan zawma thawh reng nimahse, lirthei tlan theih tawh lohna hmun a tam avangin kal zung zung a harsa tawh hle a, thuneitute chuan theihtawp an chhuah reng thu an sawi.