Nurse zirchhuakte thlah

College of Nursing Synod Hospital, Durtlang chuan Ningani khan Oath Taking vawi 51-na, Lamp Lighting Ceremony leh Graduation Day vawi 20-na an hmang a, Synod moderator Rev R Vanlalnghaka’n a hmanpui.
Synod Hospital nursing superintendent Ramfangzauvi’n oath taking leh lamp lighting hun a hmang a, director Dr Lalthakima’n graduate tharte hnenah certificate a sem. Zirlai tithate hnenah moderator hian lawmman a sem a, thu a sawi nghal a ni. Synod executive secretary Rev VL Luaia Hranleh-in graduate tharte leh zirlai tharte a tawngtaisak a, award hrang hrang pasarih sem a ni bawk.
Synod Hospital-ah hian nurse zirna hi kum 1928-ah hospital din a nih atangin Nursing School din ve nghal a ni a. Nurse zir hmasa ber chu Khuangi (16) a ni. Nursing School hi kum 1944-ah Indian Nursing Council-in nurse zirna puitling turin a pawmpui a; 2019 June 20 khan Nursing College-a hlankai a ni.