ASF leng kara vawk talh endik

Vawk pul hri – African Swine Fever leng mekah AH&Vety department leh a thawhpui – Joint Inspection Team chuan Inrinni khan Lungleia bazar-a vawk talh ho dinhmun an enfiah.
Vawk pul hri leng mekah Lungleia veng hrang hrang bazar-a AH&Vety department phalna nei loa vawk talh an awm leh awm loh endik tura Joint Inspection Team chuan sa talhna hmuna vawk talh leh vawksa zuarte an enfiah a. Vawksa zuarte hian AH & Vety department atangin vawk hrisel an ni tih hriatpuina lehkha an dawn chu an tar hlawm a ni.
Joint Inspection Team hian Lunglei khawpui chhunga veng hrang hrang bazara vawk talhte chu a remchan danin a hmunah kalchilhin an enfiah thin dawn tih an sawi a ni.
October 6 thleng khan Mizorama ASF thawh thumna leng mekah he hri thihpui vawk 13808 an awm tawh a, he hri kai vanga tih hlum/ suat 22990 awm tawhin, khua 245 a tuam tawh a ni.