Thlipui dangin US hmun thenkhat nuai thei reng

America ram hmun tam takah thlipui na tak hurricane helene in hnuhma duhawm lo tak a hnutchhiah hnuin, tunah hian thlipui thawk na tak, ruahtui tam tak pai tel rawn thawk leh mai thei nia sawi a ni a, inralring tura chah lawk an ni.
He thlipui hi ‘Milton’ tia sawi a ni a, Gulf of Mexico atanga rawn insiam niin, hurricane helene thawhna hmun tam zawkah a thleng leh thei nia sawi a ni bawk.
Federal Emergency Management Agency (FEMA) chuan thuchhuah siamin, Milton hian ruahtui tam tak a pai tel avangin inven lawk a ngai tak zet a ti a, hurricane helene lo thawh nat tawhna ramah zel thleng leh thei a nih avangin mitinte chu hmun him tha leh chhiatna thleng thei laka lo inralring nasa turin a ti.
He thlipui hian Florida chu pathianni zan khan thleng hman tura rin a ni a, pathianni leh thawhtanni hian ruahtui tam tak a rawn thlen tawh an ring bawk. Hurricane Helene aia chhiatna nasa zawk thlen thei reng a nih avangin inralrinna dar lo vaw mawlh mawlh turin tualchhung thuneitu hrang hrangte chu hrilh hlawm an ni.