Hezbollah rocket vangin nupa boral

Hezbollah rocket vangin nupa boral
Israel hmarlama Hezbollah hoin rocket an kah thar leh chiam avangin civil mi pahnihin nunna an chan a, nunna chante hi nupa an ni.
Israel thuneitute sawi danin, Hezbollah ho hian Israel ram lam hawiin rocket 150 chuang an kap a, tum bik nei lovin an kap pawp pawp nia sawiin, heng rocket te hian nupa pakhatte chu an ui kaia kawnga an kal laiin a fuh ta a ni tiin, a hmunah an boral nghal thu an sawi.
Israel leh Hezbollah ho indona avang hian pawisawi lo nunna tam tak lakin a awm tawh a, hmun him tak tak a awm thei rih meuh lo a ni. Hezbollah ho hian an mi duh zawng an kah fuh hma chu hma an lak ve zel dawn thu an sawi ve nghal bawk.
Mita hmutute sawi danin Hezbollah ho rocket kah hi a indawt zatin a rawn phei a, a alh sen zuai zuai reng a, a rawn tla pawp pawp mai an ti a, tum bik nei lo a kah a nih avangin hmun thenkhatah chuan chenna in den fuhte a neih bakah, thenkhat chu khawlaiah a tlak thu an sawi.