Zirlai tan intihsiak buatsaih

Project Faith chuan In Lehkha leh Mischief & Mayhem nen tanghoin World Mental Health Day pualin Ningani khan Aizawlah poster siam leh thawnthu sawi intihsiak a buatsaih.
Child Development Centre neitu, clinical psychologist Rebecca Lalnundiki chuan zirlai naupangte tan rilru hriselna chungchang sawiin, thawnthu insawisiakah hian Mizoram Christian College assistant professor KC Lalthansanga leh In Lehkha neitu Anita Vanlalnunmawii ten an endik a ni.
Project Faith dintu leh director Laltlankimi’n Project Faith chungchang a sawi a. Kum dangah pawh zirlai naupangte tan World Mental Health Day pualin programme buatsaih zel an tum tih a sawi a ni.
School pasarihin he hun hi an chhim a. Poster insiamsiakah hian 1-na Priya Das (Rosebud School), 2-na Audrey Hruaitluangi (CLS Academy), 3-na Judy Lalhlimpuii (Rosebud School) an ni.
Thawnthu insawisiakah hian 1-na Emily Lalrinsangi, class IX (CLS Academy), C Lalmuankimi, class X (NEUHOF), 3-na Lalenkawli, class IX (Rosebud School) an ni.