Mizoram Merchant Association (MIMA) chuan oil man tihniam tura sawrkar nawrna chu an thlawp tih an sawi.
MIMA Gen. Hqrs. thuchhuak chuan, NGO Coordination Committee leh Mizoram Commercial Vehicle Union-in Mizorama oil man tih to tihniam leh tura sawrkar an nawrna chu awm a tihpui hle a, a thlawp tlat tih a sawi.
Sawrkar laipuiin oil man a tih toa Mizorama a to ve nghal thin chu mipuiin kan ngaithiam vek a. State sawrkar-in VAT rate tisanga oil man a ti to chu, direct-in tuar ve lo mah ila, indirect-in mipuiin kan tuar tih a sawi.
‘Mizoram hi India ram kilkhawr, Myanmar ram hrula awm, tlang ram, kawng tha bawk si lo kan ni a. Kan bungraw phurh man hi state dang aiin a sang sa tawh hrim hrim a. Tun anga oil man tih san a nih chuan bungraw phurh man a sang lo thei dawn lo a ni. Bungraw phurh man a san chuan bungraw man pawh a sang lo thei loa, hei hi sumdawngte bakah mipuiin kan tuar dawn a ni,’ a ti.
Heng zawng zawng ngaihtuah hian, NGOCC leh MCVU ngenna chu kan zavaia thatna turin oil man tihniam ngei turin MIMA chuan sawrkar a ngen tih a sawi a ni.
Oil man tihhniam kan thlawp – MIMA
Get real time updates directly on you device, subscribe now.
Prev Post
Next Post