Spain-in dam chiang lo Yamal an thawn haw
Inrinni Nations League game pakhata Europe champion Spain-in sikhat faia Denmark an hneh hram tum khan tihrawl hliam avangin hun pekbelhah Barcelona rawlthar Lamine Yamal a bai chhuak a, a intihnat belhchhah hlauhthawnna avangin nizan Nations League inkhel pakhata Serbia an luhkhungna game kha khelh loh an phalsak a, chawlhahdam turin an ram lamah an hawtir.
Spaniard kum 17 mi hliam hi Pathianni khan MRI scan hmanga endik niin, Spain camp a chhuahsan hnu hian a tul anga inenkawl chhunzawm turin club lamah a kir zui ta a ni.
“Pathianni test-ah chuan hliam serious an hmu lo a, Royal Spanish Football Federation (RFEF) medical staff-te chuan tihrawl hliam (muscle strain) satliah a nih thu an nemnghet.
Pathiannia RFEF lamin thuchhuah an siamah player-te hriselna chu an ngaihpawimawh ber a nih thu leh intihnat belhchhah theih a nih avangin Serbia game khel lo turin Yamal chu squad atangin an hawtir tih an tarlang.
Denmark player-te khan mimal takin Yamal kha an check na salh salh hle a, inkhelh banah Spain coach Luis de la Fuente chuan a rawlhthar tha bik khan khati ang level sanga an kalh nasa lutuk kha a beisei loh thil a nih thu sawi chungin referee-te pawhin talented player-te bik humhim chu an tihtur a nih thu a sawi a, khati khawpa an tum bik chunga Lamine-a paukhauhna leh ding lam sir atanga a thawhhlawkzia a fak.
Spain squad-a Yamal thlaktu atan Atletico Madrid player Rodrigo Riquelme sengluh a ni.
Spain-in dam chiang lo Yamal an thawn haw
Get real time updates directly on you device, subscribe now.
Prev Post