O ah sawrkar hnathawkte chenna quarters type V leh type VI ‘Senhri Run’ tih chu sak a ni dawn a, Zirtawpni khan chief secretary Dr Renu Sharma chuan a lungphum a phum.
Mizoram sawrkar hnuaia official-ten an chenna tur quarter tha tak an nei thin chu an hnathawhna kawngah lungmuanna, thathona leh nasa lehzuala inpekna an neih phahna a nih a beisei tih chief secretary hian a sawi a. Sawrkara thawktute chuan an phu tawk, an khawsak awlsamna tura an mamawh (basic needs) an dawn chu an chanvo a nih angin, inthlahrung lo turin a chah. An hnathawhnaa an insawrbing theihna atana puitu a ni zawk thin tih sawiin, ram pawna an colleague-te lakah pawh insit lo tur leh mahni inrintawkna pholangtu he residential quarters sak tur hi ni ngei se a duh tih a sawi a ni.
PWD commissioner & secretary K Lalthawmmawia report danin, type V leh VI quarters sakna tur sum hi Special Assistance to State Capital Investment (2024-25) Part-1 hnuaia hmuh niin, sum sanction zat hi vaibelchhe 15.42 a ni. Type V quarter (4 units) (1 unit per floor) hi a pumpuia a zau zawng tur chu 1066.85 sqm niin basement-1, ground floor, first floor, second floor leh third floor a awm ang. Type VI quarter (4 units) (1 unit per floor) hi a pumpuia a zau zawng tur chu 1245.39 sq.m tur niin, ground floor, first floor, second floor leh third floor a awm ang.
MINECO-ah quarters sak belh dawn
Get real time updates directly on you device, subscribe now.
Next Post