A farewell tournament atan rilru lamah Nadal inpeih

Grand Slam men’s singles title lak tam lama Novak Djokovic chiah tluk loh nei Rafael Nadal chuan tun season tawp ruala tennis inelna chawlhsan a tum ve tawh thu a sawi rualin thla thar November 19-24 chhunga khelh tur Davis Cup Finals hi a career zialfelna tournament a nih thu sawiin, chu mi atan rilru lama a inpeihchhuah tawh thu tunhnaiah a sawichhuak a, chutih rualin hnehna chang ngei tura a inring a nih loh chuan singles khelh a tum lo tih a tarlang tel.
22-time Grand Slam champion Nadal chuan a farewell tournament chungchang sawichhuakin, “Phurna leh thatho kawngah chuan ka inpeihchhuak thlap tawh a, taksa lam leh ka tennis level pangngai phak leh phak loh tur kawngah chuan inbuatsaihna’n thla khat hun ka la nei.
“Ka team hnehna chanpui thei tura taksa lama insawiselna nei lo turin theihtawp ka chhuah dawn a; singles khel tura inpeihchhuak lo nia ka inngaih chuan singles khel lo ang,” a ti.