Date fuh lo kalsan dan

Date fuh lo kalsan dan
Kan ramah pawh thalai ten in-date kan uar ve ta hle a, nula ina leng a inrim tluk tluk kher lo a, hmun danga chhuah dun te kan ching ve ta hle. Tunlaiah social media leh SMS kaltlanga inhmelhriata, khawiah emaw inhmu tura in-date ta mai pawh sawi tur kan tam ve tawh awm e. Chutiang hunah chuan kan date-te chu kan beisei ang an lo nih leh si loh chuan a hrilhhai thlak duh viau dawn a nia. Ngawi renga inkalsan leh daih lah a dik tawh si lo. Mahse, lungngai suh, tih dan tur tha ni a relationship lama mithiam te sawi kan rawn tarlang e.
1. Restaurant-ah in in-date a nih chuan, i tui in tur khan intih buak palh niawm takin lang la. Thawmhnaw huh hnuang chunga awm reng thu awm suh, reiloteah i chhuahsan thei mai ang.
2. I thian tu emaw in-call tir la, chu chu chhuanlamah hmangin, hmanhmawh taka i kal a ngai thut ang a. Insawifiah tehchiam pawh a ngai lo vang.
3. I ngaihzawng hlui chungchang sawi chiam chiam la, zei i tih thu leh, ani ang hmeichhia i la tawn ngai loh thu te sawi vak vak la, amah zawkin a kalsan thuai mai ang che.
4. I lu a na thut a, a nih loh pawhin phurthak i kai emaw tih turin i pang a thak thut a, i inhiat vel chiam chiam a. Chutiang bulah chuan a awm rei peih lo vang.
5. Chhungkaw programme avangin i kal leh thuai a ngai dawn tih te hrilh nghal mai la.
6. Zun chhuak niawm takin awm la, bathroom-ah va thang bo vang vang la. I let leh hunah a lo la awm cheu a nih chuan, i thian tu emaw nen in inhmu a, in lo titi tui deuh tiin chhuanlam i siam mai ang. Chutiang hnuah chuan i bulah a awm rei peih tawh lo vang.
7. Titi lam ngaihtuah le lovin ei bawrh bawrh mai la, amah ngaihtuah awm lo taka i lan avangin a kalsan thuai ang che.
8. In bul vela hmeichhia/mipa rawn kal reng reng thlir zui deuh vung vung zel la, nuam lo tiin a kalsan thuai ang che.
9. I thil ei lak lawhin han irh vel uk uk teh. I bulah a awm rei peih lo tawp ang.