District Cooperative Union office tlawh

District Cooperative Union office tlawh
Lunglei High Powered Committee (HPC) vice chairman V Malsawmtluanga MLA chuan Thawhtanni khan Lunglei District Cooperative Union Limited (LDCU) office a tlawh a, Board member leh thawktute nen an inkawm.
HPC vice chairman chuan LDCU hruaitute chu mipuiin cooperative society an hriatchianna tur leh cooperative society kaltlanga hmasawnna a awm zel theihnan theihtawp chhuah tura chahin, an mamawh leh thil tul chu a hnena thlen thin turin a chah.
LDCU Board of Directors chuan Lunglei HPC vice chairman hnenah hian an mamawh hrang hrang thlenin, Lungleia Cooperative Inpui (Cooperative Multipurpose Centre) din a nih theihna tur leh an hmachhawp hrang hrang tihhlawhtlin a nih theih nana hma lak dan tur an sawiho a ni.
Lunglei District Cooperative Union Ltd hi Mizoram sawrkar hnuaia grant -in- aid Centre for Cooperative Education niin, Mizoram Cooperative Societies Act hnuaia din a ni.
LDCU hnuaiah hian cooperative education instructor (CEI) pakhat awmin, cooperative society din tumte tan hriat tur pawimawh kawhhmuhin kaihhruaina an pek bakah society member-te tan training an pe thin.