Basketball inelnaah Pine Mount leh Graceland School chungnung

Basketball inelnaah Pine Mount leh
Graceland School chungnung
India ram puma U-14 basketball player tha ber berte tana ram pum huapa 3v3 intihsiakna buatsaih leh ram chhunga school-based basketball programme lian ber ACG Jr. NBA program chuan karliamta khan Aizawlah City League final an zo fel a; mipa leh hmeichhe team pathum leh mipa leh hmeichhia division tin atangin all-star team pakhatin nakkum tir lama khelh tur league final an lut.
Aizawla ACG Jr. NBA 3v3 City League result dinhmun tarlang chhunzawm ila.
Kum 14 hnuai lam hmeichhe huanga pakhatna chu Pine Mount School, Shillong (Meghalaya) niin, pahnihna St. Mary’s Higher Secondary School, Shillong (Meghalaya) an ni a, Home Missions School, Aizawl (Mizoram) chu pathumna an ni.
He catagory-a a tha thlankhawmte chu Ashley Remsangkimi (Graceland School, Aizawl, Mizoram), Emily Lalremtluangi (Lalmalsawma Memorial School, Aizawl, Mizoram), Ruth Lalrintluangi (Graceland School, Aizawl, Mizoram) leh Chawngthapari (Lalmalsawma Memorial School, Aizawl, Mizoram)-te an ni.
Mipa kum 14 hnuai lam huanga chak ber ve thung chu Graceland School, Aizawl (Mizoram) niin, pahnihna JC Elementary School, Aizawl (Mizoram) leh pathumna Home Missions School, Aizawl (Mizoram) an ni.
He huanga a tha thlankhawmte chu – Marvin Lalhriaktima (Mount Carmel School, Aizawl, Mizoram), David Romingliana (Home Missions School, Aizawl, Mizoram), Amosa Lalruatfela (North Point School, Aizawl, Mizoram) leh Lalromawia (Tiny Tots Higher Secondary School, Aizawl, Mizoram)-te an ni.
Pine Mount School, Shillong atangin Wankmenbiang Mawlong (U-14 hmeichhia) leh Graceland School, Aizawl (U-14 mipa) atangin Michael Lalnunmawiate chu Skechers MVP chawimawina hlan an ni a, he tournament-a Aizawl a neiha an chetthat avangin Skechers MVP chawimawina hlan an ni.
Mipa top scorer Phillip Lalnunkima Langsing, Graceland School, Aizawl chuan point 122 hmuin; St. Mary’s Higher Secondary School, Shillong-a zirlai Phillarishisha Myllienmngap chuan hmeichhe lamah hmu sang berin point 44 a khawl tling.
He programme vawi 11-na hi Basketball Federation of India (BFI) nen tangkawpa huaihawt niin, Skechers chu official kit partner atan hman a ni.
ACG Jr. NBA program-ah hian mipa leh hmeichhe intihsiakna hrang hrang a awm a, ram chhung hmun hrang hranga school hrang hrang aiawh team-te inelna a ni.
He programme hi Mumbai, Chennai, Aizawl, Delhi, Bhubaneshwar leh Ludhiana-ahte kalpui a ni a, khawpui tina mipa leh hmeichhia team tha ber pariatte inelna niin, chuta tang chuan mipa leh hmeichhe team tha pathum bakah division tin atanga a thiam thlankhawm team pakhatte’n nakkum kum tir lama khelh tur league final an lut.
Jr. NBA program hian kum 2013 atang khan India khawpui 35-ah thalai maktaduai 14 chuang leh physical education instructor 15,000 chuang hnen a thleng tawh a, India rama NBA-in basketball hmasawnna zau zawk a kalpui mek zinga mi niin, tualchhung sumdawng leh pawl hrang hrangte nena thawhhona a ni tel bawk.
Basketball hmasawnna atana duan NBA Basketball School-ah hian mipa leh hmeichhe player kum 6-18 inkarin basketball an zir a; Basketball Without Borders Asia, NBA leh FIBA’s global basketball development leh khawtlanga intihsiakna India ramah vawihnih huaihawt tawh a ni.
Player, coach leh chhungkaw tinte chuan kumin ACG Jr. NBA hmalakna chungchang hi an zir belh thei ang a, India rama NBA social media channel hrang hrang Facebook, Instagram leh X kaltlangin stats, schedule, video leh thil dang tam tak hmuh tur a awm.