England leh Wales a mipa nau piang hming phuah thara lar ber ‘Muhammad’
Office for National Statistics-in data a tihchhuah thara a landanin England leh Wales-a mipa naupang hming lar ber chu ‘Muhammad’ tih a ni ve ta mauh mai. England leh Wales-ah hian mipa naupang hming atana ‘Muhammad’ tih a lar ber vawi khatna a ni a, hei hi nau piang thar zingah ‘Muhammad’ tih hming pu an tam ber tihna a ni. Nikum (2022 a nau hming phuah thar tihna) khan ‘Noah’ tih chu naute hming phuah thara tam ber a ni a, kuminah (2023 a nau piang hming phuah thar) chuan ‘Muhammad’ tihin a luahlan ta a ni.
‘Muhammad’ tih hi nikum khan mipa naupiang hming phuah thara lar ber dawttu a lo ni tawh a, 2016 atang khan England leh Wales-ah hian top 10-ah a la lang char char a ni. Kuminah hian ‘Noah’ tih chu pahnihna a ni ve thung a, ‘Oliver’ tih chu pathumna a ni.
2023 a mipa nau piang, hming phuah thar zingah ‘Muhammad’ tih hmingpu hi 4,661 an awm a, 2022-ah 4,177 a ni ve thung. ‘Noah’ tih hming pu thar 2023-ah 4,382 an awm ve thung.
He data atanga a lan dan chuan England leh Wales-ah pawh a hmar leh khawthlang lamah te ‘Muhammad’ tih hi a lar zual a, chung zingah chuan London pawh a tel. ‘Muhammad’ tih bakah hian mipa nau piang hming phuah thar lar zual top 100-ah ‘Mohammed’ (No.28) leh ‘Mohammad’(No.68) te an lang bawk.
Hmeichhe nau piang hming phuah thar zinga 2023-a lar ber chu ‘Olivia’ tih niin, ‘Amelia’ leh ‘Isla’ ten an dawt a, hei hi 2022 nen a la danglam lo. ‘Olivia’ tih hming hi 2016 atang khan No.1 a la ni char char a ni.
England leh Wales a mipa nau piang hming phuah thara lar ber ‘Muhammad’
Get real time updates directly on you device, subscribe now.
Next Post