C West Ham United in an manager Julen Lopetegui an ban a nih chuan Chelsea manager hlui Graham Potter chuan tun season chhung atan Hammers hi lo enkawl lailawk a hreh lo. (Talksport)
-- Advertisement --
C Season kal mekah chetha lo viau mah se Tottenham chuan an manager Ange Postecoglou an la thlawp tlat a, January bazar inhawn hunah bazarna tur pek an tum. (Teamtalk)
C Manchester United chuan Arsenal in rawih an tum Paris St-Germain football adviser Luis Campos chu rawih an tum ve dawn. (ipaper)
C Manchester United chuan England forward Marcus Rashford chu January thlaah hralh an rilruk. (Sky Sport Germany)
C United hian an academy graduate Rashford hi nipui bazar liam ta pawh khan hralh chhuah an lo duh tawh a. Hralh hreh lo bawk mah se dawrtu thar an mamawh dawn. (Telegraph – subscription required)
C Real Madrid in Argentina defender kum 26 mi Lisandro Martinez an ngaihven a nih chuan sum siam nan hman an tum thei dawn bawk. (Talksport)
C Arsenal chuan January thlaah Juventus atangin kum 24 mi Serbia forward Dusan Vlahovic lak an tum dawn. (TeamTalk)
C Arsenal manager Mikel Arteta chuan an player hliamte an la dam chiang hlawm lo a nih chuan January bazar inhawn hunah an squad thuam chak turin club thuneitute a ngen dawn. (Times – subscription required)
C Arteta hian kum 27 mi Brazil striker Gabriel Jesus-a’n January thlaah club dang a pan dawn niawma thuthang awm chu thu vuvuk mai a nih thu a sawi. (Standard)
C Liverpool in contract thar an zawrh hmasak hnar bawk mah se Netherlands centre-back Virgil van Dijk chuan Liverpool ah contract thar ziah ngei a tum tho thung. (Football Insider)
C Newcastle United chuan PSV Eindhoven winger Johan Bakayoko an ngaihven a, kum 21 mi hi thlasik bazar inhawn hmain dawr an tum. (Telegraph – subscription required)
C Barcelona chuan nipui bazar inhawn laia an lak luh Dani Olmo chu December 31 thleng chauh an ziak lut thei rih a. January thlaah an ziak lut nawn leh thei lo a nih chuan Spain forward hi free transfer in a chhuak thei dawn. (Mundo Deportivo – in Spanish)
C Liverpool chu Egypt forward Mohamed Salah nen contract thar chungchangah an indawr mek a. An indawrna hian hmasawnna an nei thui viau tawh a, hlawh chungchang thlengin an inrem thei tep tawh. (Sky Sports)
C Marseille chuan French midfielder Paul Pogba lak luh an duh a, mah se March thlaa hremna tuar zo tur Pogba nen hian an la indawr eih lo thung. (RMC Sport – in French)
C AC Milan chuan an captain Theo Hernandez chu chhuahtir an tum a, kum 27 mi manah hian £41m zet an phut thung. (Calciomercato – in Italian)
C Chelsea chuan West Ham United in an ngaihven English centre-back Tosin Adarabioyo chu January thlaah chuan chhuahtir an tum lo. (Football Insider)
C Denmark midfielder Christian Eriksen chuan season tawp hunah Manchester United a chhuahsan tura ngaih a ni. (Fabrizio Romano)
C Aston Villa chuan League One club Stockport County ah loan a an tirhchhuah Louie Barry chu kohkir an tum. (TeamTalk)